رواية تمارا كاملة جميع الفصول بقلم منال عباس
رواية تمارا الفصل العاشر 10
بعد أن أعترف قاسم بكل شئ لتمارا...بدأ يسألها
انا عمرى ما هفرض نفسي عليكى يا تمارا والقرار دلوقتى ليكى..نكمل مع بعض لحد ما نلاقى طريقه ونتزوج...ولا انتى مش حابه وجودى فى حياتك ؟؟
تمارا: انا قرارى...انى عمرى ما اقدر اعيش من غيرك يا قاسم..انا عمرى ما حسيت بالأمان والاستقرار غير معاك..عارف يا قاسم..انا عمرى ما اتعاملت مع بشر ولا شوفت ناس..انت اول حد اشوفه واتكلم معاه..طول عمرى محبوسه فى البيت..ولما فكرت أننا اتجوزنا حسيت ان ربنا عوضنى عن اللى فات بيك...مفيش حد فى الدنيا لمسنى..اول لمسة ايد كانت منك..اول دقه قلب
حتى هنا حاسه أنه بيتى...عارفه انى غريبه عنكم
بس لما شوفت باباك وجدك...حسيت انهم اهلى..
حسيت انكم اسرتى بجد...انت الامان والحبيب
واللى هصلى وادعى ربنا علشان تكون زوجى..
كان قاسم عيناه تتلألأ بالدموع..لاحساسه بصدق مشاعرها...اقترب منها وضمها لصدره
قاسم: وانا بعشقك يا تماراا وربنا يوفقنا أن شاء الله..وانا هعمل كل جهدى علشان اعوضك عن كل حاجه وكل عذاب مريتى بيه...
يلا حبيبتى...علشان تنامى واعملى حسابك من بكرة...هاخدك شقتى واجيبلك مدرسه تعلمك كل حاجه...واول ما اخلص شغلى...هاجى اخدك
قاسم: اكيد حبيبتى
تمارا: ربنا يخليك ليا وقبلته فى خده وجريت على السرير كالاطفال...هنام بقي علشان اصحى بدرى
تصبح على خير
قاسم بابتسامه: وانتى من أهله حبيبتى
وفرد الكنبه كسرير ونام هو الآخر
فى صباح يوم جديد
تستيقظ شمس وتخرج من حجرتها على أطراف أصابعها حتى لا يستيقظ حسين..أغلقت الباب خلفها ونزلت الى الاسفل واتصلت على لؤى
لؤى بنعاس: ايه دا فى حد يتصل بدرى كدا..نظر إلى الهاتف وجدها شمس
لؤى: الو
