رواية ما هو ذنبي ؟ بقلم زهراء

دلال: اسمع سعاد تصيحني واعرف شراح يصير وشراح يكول عمي
عمي: دلال شوفي راح ترحين هناك وتنسين عندج عم لو تفكرين مجرد تفكير انو ترجعين هنا تظلين هناك وشنو يردون تكولين حاظر وما تناقشين وترة اني انطيتج وجان شرطهم انو شنو يصير بيج اني مالي شغل
دلال: عمي شنو تحجي واذا ذبــ*حوني وخذو ثـ-ارهم مني تقبل امـ-وت بذنب مو ذنبي

عمي: لا تخافين ما يموتـونج ابنهم هيبه الراح ثـ-ارهم ما ياخذونه من مرة
دلال: اسمع الباب يندك وراحت روحي لو انذبـ*ح ما يطلع دـ-م نشف الدـ-م بعروكي عمي دخل الرجال واسمعه يكله يلا جيب امره وراي شغل وما احس الا ايد سحبتني وطلعتني بره
وجان عمي كله هاي المرة والرجال يكله بعد انسوها ودخلني للسيارة اباوع ع الشارع احس بعد ما اشوفه اريد اشبع شوف من الدنيا وهذا الرجال طول الطريق يتأفأف ويشرب جكاير ويضـ-رب بايده ع الستيرن ومن بعيد اشوف بيت جبير وعالي وكدامه حديقه وشجر هواي

نزلني الرجال وكال يلا طبي
دلال: دخلت واشوف مره جبيرة كبالي وهيج الحزن ماكلها وتبجي ويمها ولد طويل واسمر ع حنطي وثنين بنات يجن كد عمري او اكبر اول ما شافتني الحجية ظلت ادك وتلطم وتشك بثوبها تكول الهيبه راح وانطونه بنية ما تسوه ظفره وسفه يا غياث انته جوه التراب والكتلك عايش وكفت هيج ع حيلها وسحبتني من شعري ونزلتني للكاع وظلت تجر بيه واني اصيح واتوسل بيها اني مالي شغل والله اني مضلومه

الحجية: ولج انتي مضلومه ولج ابن عمج مـ-وت ابني فتحت الباب وشمرتها بالغرفه وسديت الباب
دلال: فوتتني بغرفه بدون اي شي فارغه كلش لا فراش ولا حتى مخده حتى شباك ما بيها جنها كبر
يتبع.....