رواية خذلان الحب الفصل العشرون 20 بقلم ميرفت سعيد

قطع تفكيرها خبط علي الباب 
حور باستغراب:معقول عمتو لحقت تروح وتيجي.راحت تفتح
حور بصدم#مه وخوف:انت 
سليم:ايوه انا 
حور:انت عايز اي 
سليم:طب مش هدخل
حور:لا..يعني قصدي مينفعش اصل مفيش حد في البيت وانا قاعده لوحدي
سليم:ااه عندك حق مينفعش..طب كنت عايز اتكلم معاكي 
حور:يعني لازم دلوقتي 

سليم:لا مش لازم دلوقتي:بس انا عايز اتكلم معاكي 
حور بتوتر:احم طب ممكن بكرا 
سليم:تمام بكرا بعد الشغل اجي اخدك ونروح كافيه
حور بسرعه:لا تجي فين. احم قصدي قولي علي المكان وانا هاجي فيه 
سليم:ليه خايفه مالك يشوفك
حور بحده:سليم 
سليم:خلاص بكرا بعد الشغل نتقابل..سلام
حور بارتياح بعد مامشي::ربنا يستر  .....

سليم بعد مامشي من عند حور قال بغضب:بقا خايفه لاستاذ مالك يشوفها ماشي ياحور ركب سليم عربيته ومشي رايح شقته 
عند قمر قالت بملل:هو انا هفضل كده قاعده مابين اربع حيطان مش عارفه اخرج...هو اي الهبل ده ماخرج عادي هو انا محبوسه..بس اخرج اروح فين بلاحسرة...حتي الراجل اللي حبيته واتجوزته مش بيحبني متجوزني علشان ادبس فيا اخليه يحبني ازاي...اي يابت كنتي وحشه ولا وحشه يعني  ده انا قمر اربعتاشر..انا بكلم نفسي يخربيتك يا سليم ياابن ام سليم 

سليم بضحك:طب انا مالي بتشتمي فيا ليه انتي اللي هبله وبتكلي نفسك
قمر بخضه من وجوده قالت بارتباك:انت هنا من امته 
سليم:من ساعة قمر اربعتاشر
قمر:طب الحمدلله 
سليم:طبخه لينا حاج ولا انتي فشله 
قمر بشهقه:فشله !!ثم قالت بغرور مصطنع:لا ياحبيبي انا ست بيت شاطره 
سليم:طب كويس طبتي اي بقا 
قمر:مطبختش 
سليم:مطبختيش ؟!!امال اي النفخه اللي انتي اتنفختيها دي 
قمر:هو انت قولت ليا اطبخي
سليم بررفع حاجب:هو انا لازم اقول امال انتي بكلي منين