رواية التحدي المستحيل الفصل الخامس والاربعون 45 بقلم اسراء احمد
علي: في مفاجأة
في المساء ارتدت فستان بلون الاوف وايت وحجاب بلون الورود ووضعت مكياجا خفيفا
كان هو قد ألبس طفلته فستانا جميلا وارتدى بدلة جعلته في غاية الوسامة
رحمة: انا خايفة تتخطف مني
علي بضحك: انا عارف اني مز واتخطف خلقة ربنا حنعترض.. بس اجي جمبك ايه يا قمر انت
وصلت مطعم لتتفاجأ بأهلها هناك والمطعم مزين بطريقة جميلة جدا
بدأ زين يغني بطريقة جميلة وكل واحد يرقص مع زوجته
اقتربت رحمة من زين واخبرته بشئ ثم اخذت منه المايك
علي بفرحة طفل: حتغني ليا..
رحمة: نفسي أسألك سؤال بسيط مش لاقية اي اجابة ليه.... ليه بلاقي في قربي منك كل شئ انا نفسي فيه
حاسة اني بقيت بقاسمك في الهوا اللي بعيش عليه
ليه بشوف الكل شاكلك ليه بعيش دايما مشاكلك حاسة اني نصي شكلي وانه النص التاني شكلك
في حاجات موجودة فيا حابة حابة تزيد شويا احنا فينا حاجات كتيرة زي بعض وهيا هيا
حملها ودار بها وسط تصفيق الجميع وهمس: بحبك
هناء بحزن: طيب سافروا مش مشكله وان مش عايزين ترجعوا براحتكو مش فارق بس شمشوم حرام والله حرام ده انتو حتاخدو روحي
زين بحزن؛ انا مش عارف يا علي حسيبك تاخدها ازاي انا كرهتك يا علي بجد
كانت نورا تبكي بشدة فهي حزينة على شام اكثر من ابنتها
عمر: علي اسمع مني شهر العسل حيبقى اجمل من غير اطفال.. سافر بالسلامة وخلي شام والنبي
علي بضحك: اوي اوي ده ولا واحد فيهم سلم عليكي كلهم بيبوسوا في شام
رحمة: ايه يا جم١عة ده انا حتى زي بنتكوا
مصطفى بحزن: طيب خليها وانتي سافري واما ترجعي تاخديها
رحمة ؛ حتى انت يا بابا
علي: انا شاكك انك بنتهم يكنش ملاقيينك على باب جامع
سلم عليهم الجميع وشام مع مصطفى
رحمة: بابا عايزة بنتي
مصطفى وهو يقب.لها: هيا فين دوري عليها دي بنتي انا.. نظر لعلي وهمس: انت ايه اللي رجعك
ضحك علي بشدة وهمس " ربنا يخليك.. شكلنا كدة مش حنقدر ناخدها طيب اخطفها ولا ارش عليهم بنج انا ما شوفتش حد عبرك حتى
رحمة ؛ ما تفكرنيش
